Од месец декември 2018 година компанијата ЕкоМозаик спроведува Надзор над активностите за изградба на хидројаловиште бр.4 во рудник САСА со осврт на примена на мерките за заштита на животната средина и заштита при работа при изведба на градежните активности.
Во рамки на активностите тимот на ЕкоМозаик спроведуваше: теренски посети, преглед на документацијата на Изведувачот поврзана со заштита на животна средина и безбедност при работа, преглед на подготвените Планови од страна на Изведувачот, одржување на состаноци со одговорни лица од рудник САСА и одговорни за изведување на градежните активности, подготовка на Извештаи од спроведени теренски посети и прегледана документација.
Исто така дел од ангажманот беше и следење на спроведувањето на предложените мерки и активности за надминување на несообразностите поврзани со заштита на животна средина и безбедност при работа. Претставници од компанијата го следеа во континуитет текот на градба на хидројаловиштето и сите промени во однос на ангажиран персонал, механизација, опрема, комуникација со локално население и надлежни институции.